Kechalar tushimga kirgan ul pari janon qani...

Kechalar tushimga kirgan ul pari janon qani...
Jilvasi aqlimni olgan yuzlari shirmon qani...

Bir ko'rib bo'ldim gadosi
Qayta ko'rmoq istagim
Tim qora tim sochlari ul
Sumbuli rayhon qani...

Tush kelurmi o'ngidanki
Endi ko'rgaymani hech
Tush emas o'ngda kelib u
Aylasa javlon qani...

Til desa ko'ksimni tilsa
Och desa ochsam bag'ir
Dardim izhor aylamoqqa
Hilvati imkon qani...

Xudo yor bilganni, bandasi xor etolmas...

Ey odam, sen uchun birov ko'rmas tushingni
Avvalo hudo deb, bilib qilgin ishingni
Zolim bo'lib qolma, yeg'ib olgin hushingni
Xudo xor qilganni, bandasi bor etolmas
Xudo yor bilganni, bandasi xor etolmas...

Bu dunyo, oxirat uchun paykaling bo'lar
Yaxshi yo yomoning umr sayqaling bo'lar
Poyingda yotgan tosh, balki xaykaling bo'lar
Xudo xor qilganni, bandasi bor etolmas
Xudo yor bilganni, bandasi xor etolmas...

Xasading bor bo'lsa, nazardan qolding demak
Qalbinga do'zaxdan lag'ja cho'g' solding demak
Tafakkurni bilsang, xaqni tan olding demak
Xudo xor qilganni, bandasi bor etolmas
Xudo yor bilganni, bandasi xor etolmas...

Ko'zingdek kezguvchi ayyora yo'qdur...

Ko'zingdek kezguvchi ayyora yo'qdur
Qoshingdek bir pari makkora yo'qdur
Husnlar birla yer g'amzang jigarni
Aningdek ham yana g'unxora yo'qdur

Ko'ngillar dardig'a gar chora qilsang
Meningdek dunyoda bechora yo'qdur
Netar lola turib, yo bonda muncha
Buyoqingdin agar ovvora yo'qdur

Jafo ko'p qilmakim, ko'ngling masali
Bu Lutfiy joni sendek xora yo'qdur
Ko'zingdek kezguvchi ayyora yo'qdur
Qoshingdek bir pari makkora yo'qdur

Onamning duosi meni asraydi...

Bir kuni go'zallar qarg'aydi,
Qarovsiz muhabbat uchun qarg'aydi
Men pinak buzmayman, xadik tortmayman,
Onamning duosi meni asraydi...

Bir kuni do'stlarim qarg'aydi meni
Sotilgan sadoqat uchun qarg'aydi
Sulaymon g'oridan topmasam panoh
Onamning duosi meni asraydi...

Bir kuni qo'shiqlar qarg'aydi meni
Yolg'on qo'shiqlarim meni qarg'aydi
Men baribir qo'rqmay kuylayveraman
Onamning duosi meni asraydi...

Yetar men na Jamshid, na Hotamtoyman
Na orzusi poymol bo'lgan Humoyman
Sofligu ma'sumlik xaqqi hurmati
Bir kuni o'zimni o'zim qarg'ayman...

Birkuni o'zimni o'zim qarg'asam
Onamning duosi meni asraydi...

Yuragimni ezdinga...

Uzun uzun sochlaringni xidlolmay man yeg'layin
Mayin mayin yuzlaringni silolmayman yeg'layin
Shirin shirin so'zlaringni tinglolmayman yeg'layin
Yuragimni ezdinga, hayotimni buzdinga..

Yulduz kabi porlagaysan, uzoqlardan chorlagaysan
Ko'zlarimni yoshlagaysan, yuragimni ezdinga, hayotimni buzdinga

Sanamlar ko'p atrofimda, hohlamasam quchog'imda,
lekin sensan hayolimda, yuragimni ezdinga, hayotimni buzdinga

Bahor kabi yashnagan edim, g'amim ortga tashlagan edim,
Omad qushin ushlagan edim, yuragimni ezdinga, hayotimni buzdinga

O'zi buyuklar aytgan, inson yori, chin yori faqat vafodor Alloh
Sening ishqingda ey noraso, ko'p ko'p qildim gunoh,

Yuzimga ajin tushdi, sochlarimda oq ko'rdima nogoh,
Yuragimni ezdinga jonima, iymonimni buzdinga...

Sizni qanday unutay...

Gar ko'rsa, seni noz ila, bo'ston orasinda
Gul g'uncha bo'lur bog'i Guliston orasinda
Naysonlar bulut har necha kim ko'z yosh qildi
Tushing kibi dur topmadi ummon orasinda...

Menga yor bergin hudo husni to'lin oy bo'lsin
Farishtadek qomatin iffatiga yashirsa
Ko'zga suray ko'ksim ul gulga hoki poy bo'lsin
Rayhon ifforin sochib, orombaxsh nozlar ila
Bo'lsa zeb-u zar emas, aqlu xushga boy bo'lsin
Turib sobit vafoda sadoqatda benazir
Yuragida bir umr faqat menga joy bo'lsin...
Menga yor bergin husni to'yin oy bo'lsin...

Ajab holat emasmu...

Boqmas manga janona, ajab holat emasmu?
Bo'ldi yana begona, ajab holat emasmu
Behudlug'u savdo bila qildi meni mashxur
Ul ko'zlari mastona, ajab holat emasmi...

Qil uchig'a ey voyki, yetmas mening ilgim
Zulfini tutar shona, ajab holat emasmu
Ul hur pari chehra, qarab ko'z uchi birla
Qildi meni devona, ajab holat emasmu...

To'yg'uncha ko'zim ko'rmas ekan, tushda hayoling
Bo'ldi so'zim afsona, ajab holat emasmu
Bir kun meni giryona elina tushmadi hargiz
Ul gavhari yakdona, ajab holat emasmu

Usrub ko'zi la'li meni o'ltirgali Lutfiy
Bo'lmish yeri mayxona, ajab holat emasmu...

Qalbni o'rtar afsuslar...

Qalbni o'rtar afsuslar
Nigohim sani izlar
Ko'z yoshlarim yulduzlar
Sani eslar...

Omonmisan Gulnora?
Yurak bag'ri ming pora
Ko'rgim kelar bir bora
Gulnora...

Ayriliq yomonam kuydirdi...

Ayriliq yomonam kuydirdi
Ayriliq jonimdan to'ydirdi
Ming bora xaq ekan volidam
Qo'y bolam shu qizni qo'y derdi...

Men nodon ilmadim quloqqa
Sevibman yonibman kuyibman
Bugunchi yor bo'ldim firoqqa
Tikanni gul deya suyibman...

Hayolim to'zg'itdi o'sha qiz
Yo'limdan chalg'itdi o'sha qiz
Kaftida o'ynoqlab yuragim
Otashga irg'itdi o'sha qiz...

Ishqimni ermaklar qilganda
Izhorlar yodlagan men bo'ldim
O'zga yor yonida kulganda
Bildirmay dodlagan men bo'ldim...

Sevgisi ovvora endi man
Pushaymon ming bora endi man
Qo'rqaman go'zallar makridan
Yuraksiz dilpora endi man...

Kunlarning birida...

Kunlarning birida...

Hayot o'zgarib, siz o'ylab ko'rmagan ishlar bo'lib ketish ehtimoli yuqoriligini tushunganingizda
Har narsa tayyor bo'lib qolar ekansiz...

Nega ba'zi bir voqealar sodir bo'lishini bilib tursak ham, uni natijasini o'zgartirish qo'limizdan
kelmasligi mumkin?

Nega biz o'zimiz uchun doim qayg'uramizku, boshqalarning biz uchun qayg'urayotganliklarini
tushunmaymiz?

Yolg'onchi yor.. Yolg'onlaring tugar qachon...

Yolg'onchi yor, yolg'onlar tugar qachon?
Yolg'on yeg'lab turganlar tugar qachon?
Qachon menga bir iltifot aylagaysan?
Qachon tugar sitamlar qachon qachon?

O'ngimda cho'g', so'limda cho'g', ko'nglimda cho'g'
Jonim sayyod qo'lidagi jayron jayron
Ming bir kecha ertagin ayt, ishonmasman
Ishonmay ham ko'zimda yosh, marjon marjon...

Karvon karvon yolg'onlar tugar qachon
Karvon karvon sitamlar tugar qachon
Qachon menga bir iltifot aylagaysan
Qachon tugar sitamlar qachon qachon?

Ishqingda yona... Bo'ldim devona...

Olovlar kechay so'zlaring uchun
Og'ular ichay ko'zlaring uchun

Ishqingda yona, o'zimdan tona
Bo'ldim devona, ko'zlaring uchun

Dunyolar go'zal, qiynog'ing avzal
Bitayin g'azal, ko'zlaring uchun


Tog'dagi oxu, uyalar gohi
Yurakning dog'i, ko'zlaring uchun

Yuribman sarson, atrofim hazon
Yolg'izman hamon, ko'zlaring uchun

Dunyolar go'zal, qiynog'ing avzal
Bitayin g'azal, ko'zlaring uchun

Ishqingda yona, o'zimdan tona
Bo'ldim devona, ko'zlaring uchun

Oshig'ing bedor, chekib ko'p ozor
Har nega tayyor, ko'zlaring uchun

Ishqingda yona, o'zimdan tona
Bo'ldim devona, ko'zlaring uchun